Gschichtl

Der Autor liest:

Jȏ, wȏs iis’n mitta Tschennifa,
wȏs mȏcht’n de Tschennifa?
Tuat’s leicht schpüün mi’n Balli?
Jȏ, wo rojjts’n hii, des Balli?
Wo iis’n jetza’s Balli?

Jȏ, wȏs iis’n mid’n Kevin,
wȏs mȏchtad’n da Kevin?
Tuada leicht schpüün mit de Bauschteine?
Tuada_ra Hausi baun, da Kevin?

Jȏ, wȏs iis’n mitta Tschantall,
wȏs mȏcht’n de Tschantall?
Tuats leicht schpüün mi’n Pupperl?
Tuatsa’s Pupperl frisiian, de Tschantall?

Jȏ, wȏs iis’n mid’n Tschastin,
wȏs mȏchtad’n da Tschastin?
Tuada leicht schpüün mit de Auto?
Jȏ, sȏȏg amȏj, zaummschtessn tuada’s, da Tschastin?

Jȏ, tuats a Kreizerl mȏjna, de Tschennifa?
Mit ihre Buntstifte tuats fest a Kreizerl mȏjna?
Und da Kevin und de Tschantall und da Tschastin,
mȏjn de aa so schene Kreizerln?
Jȏ, wohi mȏnjnsas’n, eahnare Kreizerln?